[c. 17r]

¹Die xviii julij Anno a Christo nato mjlle[s]jmo quadringentesimo vigesjmo tertio

²Antonjna Soljnas de Aristanjs, jn su su ultjmu testamentu, hat testadu et lassadu assa Eclesja de Sanctu Martjnj dessos Apendixios de Aristanjs qui subra sa domo sua assolahjada, qui tenet et possedit jntro sa cjtade et jn sa ruga de Corte dessu Marquesu, si paguet domnj an[n]o et jn perpetuum, soddos bjntj de oljvellu assa djta Eclesia. ³Et gasj eo Jacu Deltoro, notariu publjcu de s’artj dessa notaria, mediantj su cumandamentu, autoridadi e poderj a mje dadu dessu sjgnore Archjbiscobu de Aristanjs, naro aher recidu su juramentu dae segnora Margarjda Soljnas dessa dita citade, jurande et narande qui jssa tenet sa dita domo posta jn su ditu logu dessa ruga de Corte; ⁴e comente e signora e possehjdora de jssa jndi fahet ocularj ostentaxione dessa donaxione fata dessa sorre, sa quondam Antonjna, cun obljgaxione perpetua de pagare omnj anno su ditu oljvellu, et gasj si obljgat de nou guardare et observare sa voluntade dessa testadora. ⁵Et sjmul jndi ade sas confrontaxiones dessa dita domo, sa cale tenet conca e fague assa domo qui possedit Antonj Quisula, camjnu mediantj jn mesu, e peis assa cortjlla dessu quondam Antonj Mereu, ladus unu assa domo dessu babu Stefanj Soljnas, e diss’ateru ladus tenet ad unas domos mjnores qui possedit Mialjta Frailis, s’Uturu dessa Mahjoria eo de Sansalia jn mesu. ⁶Et gasj ssa dita Margarjda debet darj e pagarj su ditu oljvellu de soddos bjntj ____liras____ soddos____dinares.

Sul margine sinistro:
Nota de testamentu:
Margarjda Soljnas pagat assa presentj.

Mossen Andria de zorj pagat comu.

Estas a vendido Mossen Pere Luis Dessi à Mossen Damiano Olla Platero.