1Constituimus et ordinamus qui sos carradores et ogna atera persona c’at andari et dugher bois in biagiu siant tenudos de los torrare assas iuas et dari·llus in manu dessos boynargius c’ant gardare et paschire cussa iua, a dognia hora c’ant torrare dae biagiu, o de die o de nocte qui torrarint. 1Et /23v/ si cussos carradores et persones c’ant torrare dae biagiu ispaciant sus boes c’ant iughere, senza illos iungere assa iua secundu qu’est narrado de supra, et acaptarint·si·ndi alcunos de cussos boes spaciados in vignas over in ortos ch’eserent bene coniadus, secundu ch’est ordinado, sos pobillos de custas vignas, ortus o armentargios o famigialis issoro illos deppiant te‹n›ne et dari·llos in manu dessu curadore dessa villa. 3Et issu curadore siat tenudu de los retinere pro su rennu et mandare·llos incontinenti assa corte nostra. 4Et si incontinenti ciò non fagherit su curadore, et isso officiali maiore inde avirit clamu et provarit·si·llu, siat·inde condempnadu su curadore et paghit per ogna bolta qui l’at esser provadu soldos .c. 5Et si per aventura cussos boes qui sunt narados de supra non si ’llos poderent tenne in sas vignas et in sus ortos, sos pobillos de cussas vignas et ortos inde deppiant lamentari assos pobillos de cussos boes, daenanti de cussos hominis dessa villa duas boltas, dando·lis at intendere assos pobillos de cussos boes, in presentia de cussos hominis dessa villa, de chiteu pilu et chiteu boes ant avire achatadu in sas vignas et in sos ortos issoro. 6Et dae c’ant avire factu cussos duos clamos, si bie ’ndi achatant plus de cussos boes qui s’ant esser lamentados, ochiant·bie·llu. 7Et simigiantimenti si intendat et deppiat·si faghire quando de cussos boes qui sunt narados de supra s’ant agatare in sos lavores dae ssa prima die de marzu inanti. 8Et de atero apressu de damnu qui fagherint cussos suprascriptos boes in vignas et in ortos et in lavores non si ’ndi deppiat faghere nen intendere·llu a chertu qui ’nde bolerent mover.
113.1. Constituimus et ordinamus] Constituimus er ordinamus
113.1. carradores] curadores
113.2. carradores] curadores
113.2. ispaciant sus boes c’ant iughere senza illos iungere assa iua] ispaciant sus boes c’ant iungere senza illos iungere assa iua
113.2. te‹n›ne] tene
113.4. clamu et] clamu er
113.8. suprascriptos] secundos