¹Item ordinamus qui sos curadores nostros qui ant essere in ciascuna curadoria deppiant dari comandamentu assos tavernaios, ciaschuno in sas villas qui ant aviri in manu, qui non deppiant bendere vinu at attera mesura si non assa mesura d’Aristanis et sinnada de su sinnu nostru, et fassat bonas mesuras dintro et de foras, dando·lis termen de benne in Aristanis assu maiore de portu pro levari ciaschunu tavernaiu mesura et mesa mesura et derredali. ²Et icussas mesuras siat tenudu ciascunu qui bendit vinu de aviri a corona de Loghu de sanctu Marchu proximu qui nos bennit. ³Et dae cussa corona inantes cussu tavernaiu a qui ad esser provadu c’at bender cum atera mesura qui de cussas qui suntu naradas de supra paghit per dogna volta soldos .vi., dessos quales dinares apat cussa persona qui ’llus at acusare sa mesidadi et iss’atera mesidadi apat su officiali prossu rennu. ⁴Et siat chertida cussa persona qui ’llos at achusare assu sagramentu suo.