¹Item ordinamus qui si alcuna persona, depusti morti sua, lasarit figios pixinus et in su testamentu suo illis lassarit tudore over curadore, over qui ’llis esseret dada per issos officialis nostros, qui cussus tudores o curadores non siant tenudus responder a chertu alcunu qui ’llis esseret factu pro cussos pixinus de caluncha causa, si non in sa corte nostra over corona de Loghu. ²Siant tenudos de responder in sa dicta corte et corona a ciascuna persona qui ’llis at chertare pro cussos pixinos. ³Et si sos ditos tudores non parerent a su armentargiu nostru de Loghu c’at reer corona over ad icussos qui ’llas intendat in sa corte nostra qui esserent sufficientes a ppoder demandare over defendere cussos chertus qui ’llis esserent factus over qui faghirint prossos ditos pixinos, siat tenudo su dictu armentargiu nostru de Loghu c’at reer corona over cussu a qui esseret comissidu per nos de dare et constringere unu dessos bonos dessa corona over alcuno atero pro issu, quali si possat adimandare over defendere cussu chertu qui at esser factu assos tudores over curadores pro sos dictos pixinos.

102.1.    depusti] de depusti