¹Constituimus et ordinamus qui sos curadores et officiales nostros de corte de Arbaree, ciaschuno in ssa curadoria et officiu suo c’ant aviri in manu, deppiant esser tenudus, quandu alcuno homini morreret senza faghere testamentu et lassarit figiu o figias pixinas et non las acomandarit per testamentu, qui sus benes suos proprios qui romanint dintro de domo et foras qui si deppiant totu fagheri iscrivere ordinadamenti, avendo su officiali at compangia sua dessos bonos hominis dessa contrada over dessa villa. ²Et unu scriptu de cussos benis qui ’ndi deppiat batiri assa corte nostra et uno atero iscriptu indi depiat ‹dari› ad icussa personi a qui ad avire acomandado sos figius. ³Et si acomandados non los avirit, su officiali over curadore los deppiant acomandare per vigore dessu officiu suo ad alcuno parente destrittu dessos serachos et qui siant sufficientes. ⁴Et si parente qui esseret sufficiente non avirint sos cerachos, deppiant·illos acomandari ad una atera persona qui siat sufficienti et que ad parre assu officiali qui siat bonu homini et qui fazat bene fatos dessos cerachos ‹infini a› .xviii. annos, qui li ant dari su issoro cussu o cusas a qui at acomandari su officiali sos dictos benes. ⁵Et illu deppiant ponne a iurare de faghere bene et lealimente sos factos de cussos cerachos. ⁶Et si cussos gotalis parentis over ateros hominis ad qui su officiali acomandarit sos dictos benes non los bollirint recivir, deppiat·illus constringere su officiali e ponne pena. ⁷Et simigiantemente ordinamus qui cussas personas qui at clamare cusu homini qui fagherit testamentu pro curadores de cussos cerachos dessos benes issoro, e siant presentes a su faghire su testamentu o non, deppiant·indi esser constrictus de lus recivire et de esser tudores issoro, salvu si monstrarit legittimamente excusa pro sa quali non los poderent recivire et non poderent esser in sa dita tutela o curadoria. /20v/ ⁸Et icusso officiali over curadore qui cussas causas non ad fagheri, per donnia bolta que li at esser provadu paghit a sa corte nostra libras .x. et poscha su armentargiu nostro de Loghu fassat faghere, et niente de minus tottu su damnu c’ant aviri recivido sos cerachos per culpa et negligentia dessos ditos tudores et curadores et siant tenudos de mendari et satisfagheri a sos ditos pixinus.

101.2.    indi depiat ‹dari› ad icussa personi] indi depiat ad icussa personi
101.4.    ‹infini a› .xviii. annos] de .xviii. annos
101.7.    constrictus de lus recivire] constrictus de les recivire