¹Constituimus et ordinamus qui si alcuna persona furarit domu agiena et illa pertungherit a ffura in muro o in gienna o in fenestra o in cobertura, si ’lli est provado et indi est binchidu, siat inpicado per issa ghula qui ’ndi morgiat et dae sos benes suos si paghit su dampnu at qui at esser fattu. ²Et niente de minus sus iuradus dessa villa siant tenudus de provari et de ’llu batire a diclarare et de tenne su homini in pressona qui at aviri factu su mali. ³Et si non tenent et provant, paghint sos iuradus comunalimenti cun ssu maiore et cun sus ateros homines dessa villa su dampnu at chui at esser. ⁴Et assu rennu paghint sa villa manna libras .c. et issa villa pizina libras .l. ⁵Et issos benes de cussu homini qui ad avere fattu su mali siat in su pagamentu dessus dittos dinaris.