¹Item ordinamus qui ‹a› ciaschuna persona siat licidu de batiri et inpresentari assa corte ad omni bisungio carta bullada o non bullada, condaghi over ateras scripturas autenticas registradas o non registradas qui siant in sa corte. ²Et si alcuna persona batiret carta de notaiu ad corona qui esseret falsa et usaret·illa malesiosamente, connoxendo cusu qui l’edi batiri ch’edi essere falza, siat tentu et missidu in pregioni et condennado in arbitrio nostro. ³Et isso nodaiu over scrivanu qui sa ditta carta avirit iscrita, siat condempnadu et paghit libras chentu. ⁴Et si non pagat infra unu mese, tagit·si·la sa manu destra. ⁵Et icussas causas over posessiones pro qui chertarit over qui defenderet per issu vigore de custa carta falza, siat lasada pasificamenti ad icussa persona de qui deberet essere ragionibilimente et ichusu dictu nodaiu plus non deppiat usare su officiu dessa nodaria.

25.1.       ordinamus qui ‹a› ciaschuna persona siat licidu de batiri] ordinamus qui ciaschuna persona siat licidu de batiri
25.4.       tagit·si·la] tagint·si·la