¹Constituimus et ordinamus qui sas villas qui sunt usadas de faghere sa doha pro guardia dessu foghu, deppiant·illa fagher sa doha secundu qui fudi usadu per temporale ciaschaduna villa in sa habitationi sua. ²Et qui no l’at aviri fata per sanctu Pedru de lampadas, paghit soldos .x. per homini. ³Et issa villa qui l’at faghire, fazat·illa qui foghu non la barighit, sa doha. ⁴Et si foghu illa barighat et faghit perdimentu, paghit sa villa soldos .x. per homini, secundu qu’est usadu, et issu curadore libras .x. assa corte. ⁵Et si su curadore comandarit assus iuradus over a sus ateros hominis dessa villa de faghere sa dicta doha et non la fagherent, paghint comonalimenti sa pena qui deviat paghare su officiali et icussu officiali siat liberu.