/6v/ ¹Constituimus et ordinamus qui sos officialis de regnu over curadores c’ant esser in sas contradas siant tenudos de pregontare sos iurados de ciaschuna villa tres voltas s’annu et non plus pro sas furas et pro sas largas qui s’ant faghere in sa villa o in sa aditioni de sa villa et pro sos corgios qui ant esser acatados in sas domos. ²Qui cussos officialis de rennu o curadores c’ant essere in sas contradas pozant batire per iscritu su pregontu et issu c’ant avire naradu sos iurados et ipsu c’ant avire factu secundo ragione de sas furas et de sas largas et de sas maquicias, si qui sus dictos officiales ‹o› curadores c’ant essere in sas contradas indi pozant faghere ragione a sa camera tres voltas s’annu, zò est pro corona de Loghu de Sancto Marcho et pro corona de Sancto Nicola et pro corona de Plama.

19.2.       Qui cussos officialis] Si cussos officialis
19.2.       officiales ‹o› curadores] officiales curadores