1Volemus et ordinamus qui si alcuna persona esseret morta in alcuna villa de foras o in confines et habitationes de sa villa, siant tenudus sus iuradus dessa dita villa de provare et de tenne su malufactore et de ’llu batire tentu assa corti nostra infra unu mese pro faghire·nde sa iusticia. 2Et in casu que su malufactore non tenerent et no lu batirent assa corti nostra infra su dictu tempus, paghint sos iuradus totu et issos ho- /3r/ minis dessa dita villa pro sa maquicia et pro sa negligentia issoro, pro que non tensierunt su homini, libras ducentas si est sa villa manna et issa villa pixia paghit libras .c. 3Et si cussu homini qui avirit mortu su homini fuirit et non si poderet aviri infra su dito tempus de uno mese, siat isbandidu dae sas terras nostras et issos benes suos totu siant confiscadus assa corte nostra, reservando p‹e›rò sas ragiones de sas mugeres et de sos figios que avirint dae atera mugere qui non avirint appidu sa parti pertinenti ad issos pro parti de sa prima mugheri. 4Et similimenti si intendat salvas sas ragiones de sos creditores qui avirent ad ricivir supra sos benes de cussos. 5Et si per alcuno tempus cussu homini qui avirit mortu su homini beneret in forza nostra non esendo fidado, siat·illi tagiada sa testa per modu qui ’ndi morgiat et niente de minus ogne persona illu pozat offendere in persone et dare·li morte senza incurrere pena ne maquicia alcuna duranti su dictu tempus de su isbandimentu suo.
6.3. reservando p‹e›rò] reservando pro