Il Re di Aragona Don Alfonso V. ringrazia con sua lettera i Sassaresi per i soccorsi che aveano prestato a Giacomo Besora vicerè di Sardegna, per la espugnazione, e durante l’assedio di Monteleone, tenuto e difeso da Nicoloso Doria; e li eccita a continuarli ed a prestare aiuto allo stesso vicerè per l’espugnazione di Castelgenovese posseduto, e difeso parimente dal medesimo Doria.

(1435. – 6 Aprile).

Dagli Archivi della Città di Sassari.

Ex literis Jacobi Besora proregis a Nobis in ipso regno destinati, et ex verbis Nostri a secretis Francisci Axalonis, plene accepimus qua fide, animique ardore, ut soletis, et quae egregia, praeclaraque facinora in bello contra Nicolosum Auriam rebellem, ejusque oppida et arces ab eodem Jacobo Besora, Nostro nutu, inito, nostris auspiciis gessistis; quas opes, commeatusque nostris castris, ad molem Montisleonis positis, tulistis; quos sumptus et labores in tam atra hyeme, et annonae caritate sustinuistis, consilium, auxilium, et favorem praestando, ut, interclusis itineribus, cibaria et suppetias obsessis ferre, accessumque habere inimici nequirent. Pro his, et aliis per multis officiis nobis praestitis maximas vobis gratias et agimus, et habemus; illudque a vobis petimus, et rogamus, ut quae honori et servitio Nostro, totiusque regni tranquillitati maxime convenire scitis, deinceps semper praestitis, et partes Jacobi Besora contra Nicolosum Auriam omni conatu prosequentes, e Castris Montisleonis, et Genuensi potiri curetis, ut a Nicoloso, ejusque complicibus, scelerum poenas repetere possimus. Nam improbis, et facinorosis hominibus castigatis, boni et frugi omnes tuti ab illis quietam et tranquillam possunt ducere vitam. Nos, diebus elapsis, classem etiam conscensi, Sardiniam ob id petere statueramus; sed aliis supervenientibus rebus gravioribus statum et honorem Nostrum tangentibus supersedere voluimus, de vestra, et aliorum dicti regni innata fedelitate, et amore ita confisi, ut non obstante nostra absentia, vestro auxilio et favore, de dicto Nicoloso, eiusque fautoribus, et castris victoriam quam primum reportabimus. Itaque monemus, et requirimus ita vos semper in hac re geratis, ut Nicolosus Auria; ejus arces et fautores nequeant e manibus nostris evadere: certiorantes vos,    quod vestrorum officiorum memores, in vos, et alios benemeritos animum semper praestabimus libertatem et magnificum. Datum Messanae octavo idus Aprilis, anno millesimo quadringentesimo trigesimo quinto.