Il re Don Pietro IV. promette con giuramento di tenere sempre unita alla corona e regno di Aragona, Valenza e Majorca la città di Alghero, e di non staccarnela mai, per vendita, per infeudazione, permuta, o in altro modo qualunque.
(1355, 15 febbraio).
Dagli Archivi antichi della città di Alghero.
In nomine Sanctissimae et Individuae Trinitatis Sanctissimae Deiparae Virginis Mariae, ac Beatorum Michaelis Arcangeli, et Ioannis ante Portam Latinam sub quorum Patrocinio, atque tutela civitas haec Algueritana potissimum viget.
Noverint universi, quod Nos Petrus Dei gratia Rex Aragonum, Valenciae, Maioricarum, Sardiniae, et Corsicae, Comesque Barchinonae, Rossilionis, et Ceritaniae. Dum ad regiae considerationis examen provida meditatione deducimus regnantium solia tunc celtiori proeeminentia et solidiori virtute subsistere cum locorum insignium robore circumfulta illorum potentia remanet indivisa, tanto libentius ad conservandum in unum nostrum regale sceptrum, in hiis presertim intendimus, quanto prudentius nostrum exinde roboramus dominium et divisionum excidiis futuris temporibus precavemus. Digne igitur attendentes, locum seu villam nostram de Alguerio, sic ex sui conditione fore notabilem, et insignem, quod nobis, et successoribus nostris ac toti etiam reipublicae plurimum expedit, ut locus ipse qui a predecessoribus nostris, et nobis meruit ab antiquo Vicariae officio in capite perfici, semper regiae diademati nostrae unitus remaneat, et adiunctis propterea non tantum in hiis nostrorum commoda subditorum, quam exaltationem solidam nostrae regiae dignitatis sollicite procurantes, Cum praesenti privilegio nostro perpetuo valituro per nos et omnes haeredes, et successores nostros concedimus, statuimus atque promittimus vobis probis hominibus, ac toti universitati dictae villae de Alguerio praesentibus, et futuris, Quod nunquam de caetero praedictum locum seu villam de Alguerio, vel loca alia quaecumque, quae nunc sunt, vel erunt pro tempore infra ipsis villae terminos constituta, seu homines ipsius villae, atque locorum, dabimus, vendemus, infeudabimus, comutabimus, aut alias quomodolibet alienabimus aut modo aliquo separabimus a corona regnorum nostrorum Aragonum, Valenciae, Majoricarum et Comitatus Barchinonae; ita quod ipsa villa vel alia loca infra ipsius villae terminos sita vel in posterum statuenda, vel homines eorundem aut iurisdictio nostra, quam habemus in eis mediate vel imediate, transferantur in alium in perpetuum ad violarium, vel ad tempus, nec dicta loca vel alia, infra terminos dictae villae sistentia, vel in posterum constituenda, removebimus, aut separabimus a comunibus contributoribus, vel vicinatico nostro: Imo promittimus villam eamdem et loca praedicta cum terminis eorum, et cum tota iurisdictione criminali, atque civili, et alia quacumque, quam habemus et habere debemus in eis, praefactae coronae nostrae regali; et nostro vicinatico, ut nunc sunt perpetuo annexa et continue ac immediate conjuncta, tenere, et individua pariter, et unita. Et ut praesens privilegium nostrum majori gaudeat firmitate, iuramus per Dominum Deum, et eius sancta quattuor evangelia, manibus nostris corporaliter tacta, praemissa omnia et singula firmiter attendere, et complere, et in nullo contravenire. Mandamus itaque, quod praesens privilegium nostrum, inclito ac magnifico Infanti Ioanni duci Gerundae, et comiti Cervariae, carissimo primogenito nostro ac aliis quibuscumque, qui haeredes nostri fuerint, et etiam successores, quod concessionem, statutum, et provisionem nostram huiusmodi vobis dictis probis hominibus ac universitati villae Alguerii, et aliorum locorum praedictorum, praesentibus et futuris perpetuo, et inviolabiliter teneant, et observent, et non contraveniant, nec aliquem contravenire permittant aliqua ratione. In cujus rei testimonium praesens privilegium nostrum, vobis dictis probis hominibus, et universitati, praesentibus, et futuris, inde fieri, et tipario bullae nostrae plumbeae iussimus communiri.
Datum in Castro Callari quintadecima die februarii, anno a nativitate Domini millesimo, trecentesimo, quinquagesimo quinto. Subscripto ∞ 7.
Signum † Petri Dei gratia regis Aragonae, Valenciae, Maioricarum, Sardiniae, et Corsicae, comitisquae Barchinonae, Rossilionis et Ceritaniae.
Testes sunt Bernardus de Caprara. Petrus Maça.
Petrus Dominus de Exica, Gilabertus de Cintillis
Olfus de Proxida.
Signum † mei Ioannis Egidii de Castello, dicti domini regis scriptoris, qui de mandato ipsius haec scribi feci cum raso in X. linea, ubi legitur, carissimo primogenito et in penultima linea, ubi dicitur, et tipario, et in linea testium ubi demonstratur sunt, et clausi.
Ioannes Egidij ex capitlis pui.
per Dominum Regem in consilium.
Vidit eam don TR.
Math tho.
Rstra.