Il Pontefice Innocenzo VI scrive a Pietro IV re di Aragona, significandogli che i di lui procuratori ed ambasciatori aveano prestato alla Sedia Apostolica l’omaggio ligio, e il giuramento di fedeltà pel regno di Sardegna e di Corsica.

(1354, 22 gennaio).

Dal Lunig, Cod. Ital. Diplom. Tom. IV. col. 1395-1396.

Innocentius etc. Petro, Regi Aragonum illustri.

Significamus tibi, quod dilecti filii nobiles viri Lupus de Gurrea, et Bernardus de Thous milites Oscensis et Vicensis dioecesum, procuratore et nuntii tui, habentes a te ad infrascripta omnia plenum, sufficiens et speciale mandatum per patentes literas tuas sigillo tuo regio in pendenti sigillatas, et publica manu scriptas, ut prima facie apparebat, in nostra et fratrum nostrorum praesentia personaliter constituti obtulerunt se paratos nomine tuo nobis pro regno Sardiniae et Corsicae, quod a nobis et Ecclesia Romana tenes in feudum, et pro quo noster et ipsius Ecclesiae ligius vassallus existit facere ligium homagium, et praestare fidelitatis debitae juramentum, juxta formam conventionum habitarum inter eandem Ecclesiam, et clarae memoriae Iacobum regem Aragonum avum tuum in concessione de ipso regno memorato Iacobo Regi per eandem Ecclesiam dudum facta; et quod nos hujusmodi oblatione ipsorum procuratorum tuorum audita benigne, ac subsequenter de mandato nostro lectis conventionibus ipsis coram dictis procuratoribus seriose, ipsisque illas quo supra nomine se offerentibus servaturos; nos ab eis hujusmodi homagium et juramentum juxta hujusmodi formam conventionum recepimus praedictarum, in testimonium receptionis hujusmodi magnitudini tuae praesentes literas concedentes. Datum Avinione II. kalendas februarii, anno II.