Lettera del marchese Giovanni di Monferrato al re di Aragona, con la quale gli notifica gli ordini, ch’egli in qualità di arbitro avea date su alcune questioni dipendenti dal compromesso fatto nella sua persona da lui, e dai genovesi.

(1359, 6 luglio).

Dai Regj Archivi di Corte di Torino, Documenti Genovesi, Serie 1.^a, Num. XIV.

Serenissimo principi et domino, domino Petro Dei gratia regi Aragonum, Maioricarum Valencie etc. tamquam domino patri et avunculo nostro carissimo. Nos Iohannes marchio Montisferrati imperialis vicarius etc. arbiter arbitrator et amicabilis compositor electus et assumptus inter vestram regiam maiestatem ex una parte et dominum ducem ac comune Ianue ex altera salutem et ad eius mandata promptissimam voluntatem. Aliis litteris nostris recolimus vestre magnifficentie intimasse nos virtute compromissi in nos facti et potestatis ac baylie nobis in eo collate arbitratos et arbitramentatos fuisse quod omnes et singuli januenses carcerati sive detempti per magnifficentiam antedictam seu per quoslibet singulares subditos suos, et omnes et singuli catalani et alii subditi vestri carcerati sive detempti per dictum dominum ducem seu comune et singulares eiusdem absque impedimento quocumque reali seu personali debeant confestim ab ipsis detemptionibus seu carceribus liberi rellaxari, et coram nobis die beati Iohannis mensis junii nunc elapsi in civitate Astensi se debere conferre obligationibus seu promissionibus quibusuis per carceratos eosdem seu aliquem aut aliquos ipsorum vel alios vice seu occasione eorum factis ratione rescati obscistentibus nullo modo, quodque regia vestra maiestas teneatur contentos facere subditos suos de omnibus et singulis obligationibus atque promissionibus per dictos januenses carceratos seu eorum aliquos ratione rescati in factis, seu aliis personis quibuscumque pro eisdem. Et e converso ipse dominus dux et comune predictum teneatur contentos facere subditos suos de obligationibus et promissionibus per predictos carceratos subditos vestros factis eisdem prout in literis ipsis que fuerunt date in Ast XI.^a die aprilis anni subscripti hec et alia lacius sunt contenta. Sane quia aliquibus causis coram nobis propositis rellaxationes predicte fieri nequierunt die superius ordinata, debeantque exequi et compleri festine prout per nos fuit decissum et inter ambaxatores utriusque partis expresse condictum atque promissum idcirco maiestatem regiani antedictam atente rogamus et vigore compromissi predicti instanter requirimus et monemus quatenus vissis presentibus faciatis januenses predictos in potestate vestra sine vestrorum detemptos absque intervallo aliquo libere rellaxari faciatis nec minus omnes et singulas tam florenorum quam alterius monete cuiuslibet summas in quibus januenses carcerati predicti seu alii pro eis aut occasione ipsorum subditis vestris seu aliquibus ex eis teneantur ratione rescati per comunitates regnorum et terrarum vestrarum qui recuperatione suorum gaudebunt persolvi integre et complete. Nos enim virtute compromissi predicti tenore presentium decernimus et etiam arbitramur comunitates predictas et singulares earum ad solucionem dicti rescati teneri prout secundum magis et minus vestra maiestas regia ordinabit. Eamdemque maiestatem ad ipsam solucionem fiendam teneri vel iam dictas comunitates et singulares ipsarum facere breviter districte et sine mora compelli per comissarium sive comissarios suos speciales, carcerati tamen predicti executione promissorum non expectata protinus liberentur. Datum Ast die VI.^a julij MCCCLVIIII. duodecima indictione.

Et ego Stibiotus Stibius publicus imperiali auctoritate notarius et cancellarius dicti domini marchionis predicta omnia de meo libro actorum trasscripsi, et ideo me subscripsi, et signum meum consuetum apossui.