Don Pietro IV. re di Aragona scrive da Saragozza a Mariano IV. giudice di Arborea in Sardegna, chiedendogli sussidio di frumento, e d’orzo per le truppe che si congregavano in Valenza per la guerra contro il re di Castiglia.

(1357, 7 febbraio).

Dai Regij Archivi di Barcellona, Registr. Sardiniae, ab. ann. MCCCLV. ad ann. MCCCLVII. fol. CIIII. e seg.

Petrus, Dei gratia, rex Aragonum, Valentiae, Maioricarum, Sardiniae, et Corsicae, comesque Barchinonae, Rossilionis, et Ceritaniae, egregio, et dilecto viro Mariano Iudici Arboreae, comiti Gociani, vicecomitique de Basso, salutem et dilectionem.

Nobilitatem vestram credimus non latere, qualiter, inimico hominis satagente, inter nos, et regem Castellae, ipsius regis culpa, ut novis Deus, guerrarum discrimina sunt exorta. Sane cum omnino expediat, quod in civitate Valentiae, in qua dictae guerrae ratione, tam equitum, quam  peditum pluries congregatur maxima comitiva, reperiatur victualium multitudo; idcirco nobilitatem vestram, quam ad nostram, nostrorumque fidelium utilitatem non ambigimus anelare, rogamus attente, quatenus in huiusmodi guerrae necessitatis articulo velitis, et placeat universis, et singulis civibus, et habitatoribus dictae civitatis, vobis iuratorum civitatis ipsius super hiis litteram testimonialem deferentibus, extrahendi a terra vestra frumentum, et ordeum, deferenda ad civitatem eamdem, liberalem licentiam elargiri. Sciturus, quod hoc valde gratum nostris occurreret effectibus, et quam plurimum regraciabimur (sic) illud vobis. Datum  Cesaraugustae septima die februarii, anno a nativitate Domini millesimo, tercentesimo, quinquagesimo septimo. – Visa, Romens.

M. Petri Peregrini, ex ea provisa mihi traditis per Mathaeum Adriani, consiliarium, et prothonotarium.