Il Podestà e Comune di Genova approvano e ratificano le convenzioni seguite tra gli ammiragli Simone Guercio, e Nicolò Cigala a nome  e per parte di detto Comune, e i capitani e gli Uomini di Santa Igia.

(1256, 17 novembre).

Dai Regii Archivi di Corte di Torino, Lib. Iur., pag. 113.

In nomine Domini amen. Dominus Philipus de la Turre Ianue civitatis potestas voluntate beneplacito decreto et auctoritate consilii Ianue more solito congregati per campanam et cornu et vocem preconis. et insuper sex hominum per quamlibet compagnam electorum ad brevia secundum formam capituli Ianue et ipsi consiliari et sex nomine et vice comunis Ianue et pro ipso comuni ratifficantes confirmantes et approbantes ea que viri nobiles Symon Guercius et Nicola Cigala Admirati felicis Stoli galearum comunis Ianue in Sardinea transmissarum vel alter eorum pro se et colega suo fecerunt et ordinaverunt et firmaverunt pro comuni Ianue cum capitaneis Sancte Igie pro se recipientibus et aliis hominibus dicti loci et ipsis hominibus secundum quod continetur in instrumento scripto manu Iacobi Metifoci scribe M.CC.LVI, indictione XIIII. die XV. octubris inter primam et terciam promiserunt et convenerunt Constantino venerabili archipresbitero Sancte Marie de Cluso de loco Sancte Igie, Turbino Melono, Trovacio Bocaleo, Tisti Simeo omnibus de loco Sancte Igie recipientibus pro ipsis et capitaneis viginti quinque atque universitate hominum Sancte Igie quorum sunt procuratores et sindici ut constat in carta sindacatus scripta manu Iacobi Metifoci notarii millesimo ducentesimo quinquagesimo sexto indictione decimaquarta die decima quinta octubris attendere pro comuni Ianue et observare omnia et singula que in dicto instrumento continentur sub ypotheca bonorum comunis Ianue et ad maiorem firmitatem presens instrumentum iusserunt sigillo plumbeo comunis Ianue communiri et plura instrumenta unius et eiusdem tenoris exinde fieri rogaverunt. Nomina consiliariorum et sex per quamlibet compagnam qui dicto consilio interfuerunt sicut ea que in dicto instrumento scripto superius continentur quorum sunt hec.

Iacobus Malocellus. Precivalis Aurie. Obertus Advocatus. Rubeus de Volta. Nicola Cigala. Bonifacius de Nigro. Albertus Castagna. Matheus Pignolus. Matheus Ceba. Iacobus Ligaporcus. Fulco Zacharias. Marinus de Marino. Zacharias de Castro. Guillielmus de Camilla. Guido Iohannis Spinulle. Obertus de Grimaldis. Lanfrancus Cigala. Nicolosus Aurie. Enricus de Gavio. Iohannes de Tiba. Symon Tartaro. Guillelmus Embriacus. Enricus Nepitella. Ferrarius de Castro. Marchisius Calvus. Lanfrancus Bixa Spinulla. Miroaldus de Turelia. Enricetus Spinula. Obertus de Ranfredo. Lanfrancus Bachimus. Ansaldus de Nigro. Guillelmus de Mari. Iacobus Ricius. Symon Picamilius. Lanfrancus de Carmadino. Benedictus Zacharias. Marchisius Cassicicus. Bertholomeus Bachinius. Ansaldus Ficus Matari. Rubaldus de Noatario. Vuillelmus de Sancta Agnete. Ansaldus Bachinius. Raimundus Bucutius. Lanfrancus Pignolus. Antonius Advocatus. Albertus Cassicicus. Iacobus Calvus. Symon de Savignono. Guillelmus de Quarto. Ogerius Botari. Andriolus Bocatius. Lanfrancus Malocellus. Guidetus de Valentia. Taccanus de Baldizono. Nicolosus Grillus. Manfredus de Gavio. Peschetus Malonus. Iacobus Scarzaficus. Raimundus de Casali. Enricus Picamilius. Conradus Rischerius. Lanfrancus Grillus. Iohannes Nogus. Lanfrancus Burboninus. Scalia Antiocchus. Iacobus de Vivaldo. Obertinus Aurie. Guillelmus de Camilla. Grata Ceba. Guillelmus Mallonus. Nicolosus de Mari. Guillelmus Peitus. Iacobus Lercarius. Iacobus Piper. Guillelmus Bocanigra. Iacobus Draperius. Lanfrancus de Sancto Ginexio. Conradus Porchus. Obertus Balbus. Petrus Murrus. Lanfrancus Ialnus. Ugo Malonus Soldanus. Iohannes Arduinus. Michael de Vinderico. Iacobus de Galiana. Enricus de Vignono. Symon de Quarto. Pancracius de Guisulfo. Bonus Vassallus Boiachensis. Enricus Portonarius. Enricus Contardus. Guillielmus Gabernia. Ubertus Stanconus. Castellanus de Savignono. Andreas de Orto. Symon Guercius. Octobonus de Camilla. Conradus de Castro. Guillelmus Soldanus Mallonus. Petrus de Nigro. Montanarius Guercius. Symon Grillus. Iacobus Berominus. Marianus Ususmaris. Guillielmus Bonizo. Nicolosus Lucensis. Guillelmus Embronus. Lanfrancus Cibo. Petrus Advocatus. Andreas de Curte. Guidetus Zualus. Lanfrancus Bona. Albertus Barcha. Obertus Rubeus. Conradus Ventus. Guillielmus Streiaporcus. Guillelmus Sardena. Symon Embronus. Nicolaus Piper. Marinus Embronus. Obertus de Sauro. Bergognonus Embriacus. Symon Cigala. Guido Baionus Spinula. Lanfrancus Rubeus de Volta. Petrus Mancus. Iacobus Ususmaris. Obertus Merenda. Guillelmus de Braxili. Obertus Pulpus. Iohannes de Rovegno. Arabus Grillus. Ansaldus Falamonica. Delomede Maniavacha. Amicus Streiaporcus. Lanfrancus de Grimaldis.

Actum Ianue in Palacio Fornariorum testibus presentibus et vocatis Nicolao de Porta. Iacopo Metifoco notario. et Adam de Monte scriptore. Anno Dominice nativitatis millesimo ducentesimo quinquagesimo sexto indictione decima tertia die veneris decima septima novembris, Ego Marinus de Monte Rosato notarius presens instrumentum extraxi et exemplificavi de manuali instrumentorum Guillielmi Cavagni de Varagine notarii et in publicam formam redegi nichil addito vel diminuto nisi forte littera sillaba titulo seu puncto sententia non mutata aut in aliquo viciata. De mandato tamen magnifici viri domini Enrici Bruxamantice potestatis Ianue presentibus testibus Iacobo Aurie. Nicolao Guercio. Raymundo de Casali. Obertino Paxio iudicibus. et Lanfranco de Bonixio notario. millesimo ducentesimo octuagesimo octavo die vigesima sexta aprilis.

Ego Rollandinus de Ricardo sacri palacii notarius hoc instrumentum extraxi et exemplavi ab autentico instrumento scripto et exemplato manu Marini de Monte Rosato notarii de manuali instrumentorum Guillelmi Cavagni notarii sicut in eo vidi et legi nichil addito vel diminuto nisi forte littera sillaba titulo seu puncto causa abreviationis sententia non mutata. De mandato tamen domini Danny de Osnaygo civitatis Ianue potestatis. presentibus testibus Iohanne Bonihominis Loysio Calvo cancellariis comunis Ianue. et Iacobo de Albario notario. millesimo tercentesimo primo indictione decima tertia die vigesima iunii.