Alessandro, Legato Pontificio, dà e concede ad Adelasia, moglie di Ubaldo giudice di Gallura e di Torres, e ai di lei figli legittimi, il giudicato Turritano, e quanto altro le apparteneva per dritto ereditario nelle isole di Sardegna, e di Corsica, in Pisa, in Massa, ed altrove, e gliene accorda la investitura, col patto espresso, che morendo essa senza successione legittima di figli, ciò tutto ricada nel pieno e libero dominio della Chiesa Romana.

(1237, 8 aprile).

Dal Muratori, Antiq. Ital., Tom. VI. Dissert. LXXI.

In nomine Domini, amen. Anno Domini millesimo ducentesimo trigesimo septimo, indictione XI. tempore domini Gregorii IX. Papae; anno XI. octavo die exeunte mense aprili. Pateat omnibus manifeste, quod in praesentia mei Gregorii, Sacrosanctae Romanae Ecclesiae Scriniarii, et subscriptorum testium, Magister Alexander Capellanus et Legatus Apostolicae Sedis, concessit et dedit  dominae Adelasiae uxori domini Hubaldi Iudicis Gallurensis, filiisque eius legittimis, pro ipsa Ecclesia, terram iudicatus Turritani, et omnia alia, quae sibi hereditario iure pertinent tam in Sardinia, quam in Corsica, Pisis, Massa, et aliis locis. Quae omnia recognovit dicta domina Adelasia ad Romanam Ecclesiam pertinere. Et de iis omnibus eam investivit, ita tamen quod, si absque filiis legitimis decederet, terra ipsa et omnia alia bona ipsius libere ad Romanam Ecclesiam, cuius sunt, revertantur.

Actum in palatio regni Turritani de Ardera, coram subscriptis testibus, videlicet domno Lamberto Abbate de Falesia, Magistro Benencasa Canonico Sancti Michaëlis Lucani, Benedicto Clerico de Alatro, Vito Presbytero, Paulo, et Iohanne de ordine fratrum Minorum, Iohanne et Thomasio de Alatro, Iohanne Maiore de Camera, et multis aliis.

Ego Gregorius Sacrosanctae Romanae Ecclesiae Scriniarius etc.

Et ego Nicolaus Ferentinus, Sanctae Romanae Ecclesiae Scriniarius etc.