Il Pontefice Clemente III conferma con la presente bolla l’Ordine di Camaldoli nella possessione dei suoi monisteri e chiese nell’isola di Sardegna.
(1187, 23 dicembre).
Dal Mittarelli, e Costadoni, Annal. Camald., Tom. IV, Append. col. 159, 160, 161.
Clemens episcopus servus servorum Dei dilectis filiis…priori Camaldulensi eiusque fratribus tam presentibus quam futuris regularem vitam professis in perpetuum. Officii nostri nos ammonet et invitat auctoritas pro ecclesiarum statu satagere, et earum quieti et tranquillitati salubriter auxiliante Domino providere. Dignum namque et honestati conveniens esse dinoscitur, ut qui ad earum regimen, Domino disponente, assumpti sumus, eas et a pravorum hominum nequitia tueamur, et Beati Petri atque apostolice sedis patrocinio muniamus. Eapropter dilecti in Domino filii vestris iustis postulationibus clementer annuimus, et predecessorum nostrorum felicis memorie Paschalis, Eugenii, Anastasii, Adrianii, et Alexandri Romanorum pontificum vestigiis inherentes statuimus, et presentis decreti auctoritate sancimus, ne quiquam omnino persone clerico, monacho, laico cuiuscumque ordinis aut dignitatis presentibus aut futuris temporibus liceat congregationes illas et loca illa, que Camaldulensis eremi sive cenobii disciplinam et ordinem susceperunt, queque hodie sub illius regimine continentur, ab eius ullo modo subiectione et unitate dividere; que videlicet loca et congregationes conservande unitatis gratia singularibus visa sunt vocabulis annotanda, etc…
Item in Sardinia in episcopatu Turritano monasterium Sancte Trinitatis de Saccaria, ecclesiam Sancte Eugenie in Samanar, ecclesiam Sancti Michaelis et Sancti Laurentii in Vanari, ecclesiam Sancte Marie et Sancti Iohannis in Altasar, ecclesiam Sancte Marie in Contra, ecclesiam Sancti Iohannis et Sancti Symeonis in Salvener, ecclesiam Sancti Nicolai de Trulla, ecclesiam Sancti Petri in Scano, ecclesiam Sancti Pauli in Cotrognano, ecclesiam Sancti Petri in Olim…etc…
Datum Pisis per manum Moysis Lateransensis canonici X kl. ianuarii indictione sexta incarnationis Dominice anno M.C.LXXXVII. pontificatus vero domini Clementis pape III. anno primo.