Repertorio informatizzato delle fonti documentarie e letterarie della Sardegna

Repertorio informatizzato delle fonti documentarie e letterarie della Sardegna

Secolo XII – CXLI

Raimondo di Turrigia, curatore di Ugone II re e giudice di Arborea, a di lui nome, Raimondo di Gulgo, Guglielmo di Sagardia, e Bernardo di Anglarola a proprio nome, e pei loro compagni, promettono a Guglielmo Burono, console del comune di Genova, di consegnare a quest’ultimo il castello di Serla nel partirsene da Sardegna.

(1192, 1 marzo).

Dai Regii Archivi di Corte di Torino, Lib. Iur., Cod. A., fol. 106.

Nos Raimundus de Turrigia pro me et  Ugone filio quondam Ugonis de Bassis rege et iudice Arboree, cuius curator sum in hoc casu ab eo electus et constitutus, et Raimundus de Gulgo frater eius, nec non Guillelmus de Sagardia, et Bernardus de Anglarola pro nobis et sociis nostris, et omnibus de comitiva nostra convenimus, atque sub stipulatione promittimus vobis Guillielmo Burono consuli comunis Ianue, quod per totum mensem madii proxime venientem, aut ante, si antea de Sardinea discedemus, dabimus et consignabimus domino Iusto archiepiscopo Arborensi, quem vestrum in hoc casu procuratorem et missum constituitis, et comunis Ianue, castellum Serle (1) cum omnibus pertinentiis suis ad habendum et tenendum pro comuni Ianue, et garniendum sicuti alia castella regni et iudicatus Arboree, et quod castellum ipsum, cuius copiam nobis facitis, pro salvamento personarum et rerum nostrarum, ad honorem et fidelitatem comunis Ianue custodiemus et salvabimus et defendemus, ac manutenebimus contra omnes personas, quamdiu  in Sardinea fuerimus. Quod si non fecerimus, et ut supra legitur non observaverimus, tunc pars tota, et rationes, et iura, que Ugo predictus, cuius curator ego Raimundus de Turrigia sum, habet in regno et iudicatu Arboree, comunis Ianue sint, et inde vobis et comuni Ianue fidem facimus, ut ea comune Ianue habeat et teneat, et faciat quicquid voluerit nomine proprietatis. Et hec omnia uti prelegitur nos omnes, et Ugo predictus pariter, tactis sacrosanctis evangeliis corporaliter iuravimus. Possessionem quoque et dominium eiusdem castelli cum pertinentiis et rationibus suis omnibus vobis et domno archiepiscopo Arboree predicto misso et procuratori vestro et comuni Ianue tradimus. Actum in Sardinea, videlicet apud Salavanum, testibus Symone Vento, Idone de Carmadino, atque Beiano et Andrea de Senagugia, et Petro iudice Arboree, anno dominice nativitatis millesimo centesimo nonagesimo secundo, indictione nona, kalendis martii.

Ego Ottobonus imperialis aule notarius rogatus scripsi.

NOTE

(1) Già da quattro anni avanti, cioè fin dal 16 luglio 1188 Papa Clemente III avea scritto ai cardinali di S. Cecilia, e di S. Maria in via lata, suoi Legati, che facessero restituire ai Genovesi questo castello ingiustamente ritenuto da un Giudice di Sardegna, il quale era Ugone di Bas (Ved. sopr. cart. N° CXXVI).