¹‹I›tem ordinamus qui sos officiales nostros et curadores et majores, cascuno in sa curadoria, majoria et officio issoro, non deppiant reere corona cun minus de hominis V.

²Et icussa persone c’at chertari et clamari testimongios, clamid·indi a volumptadi sua infini a X et non plus, et façat·illos iscrivir a su scrivano de corona innanti qui sa corona hue at chertare si lasit, ³salvu si non si recordarit dessus nominis dessus testimongios et dimandarit tempus ad recordari·si·ndi: ⁴qui tando su officiali illi det tempus de clamare·llos et denomenare·llos, et ateramenti non si·nde·lli recivirit alcuno.

⁵Et bollemus qui non clamit nen poçat clamari homini peruno pro testimongio qui non appat annus XVIII complidos, et si ’llu clamat non li siat dadu nen siat cretidu pro testimon[gio.

⁶Et si a]lcuna persone cl[a]ma[rit pro testimonio qualicuna sorasta qui non esseret in Sardigna per via de cavillatione et fugimentu de tempus, et i ssu tempus qui] /23r/ ’lli at essere asignadu daessu officiali qui teneret ragione non provarit per icussos, ⁷paguit de pena liras XXV, et issas ispesas, dannos et interesses paguit assa parti cun qui avirit sa quistione.

⁸Et issos testimongios qui at clamari pongiant a jurare su curadore over atteru officiali c’at reere corona bene et diligentimenti in presencia de ambas partis, si ’lloi podent e bollent essere; ⁹et poscha su curadore over atteru officiali et issu scrivano de corona cun atteros tres hominis illos deppiant examinare et pregontare secretamenti uno ad uno, qui non ixiat s’uno dess’atteru et qui non los intendat alcuna dessas partis, et faguir scrivir su narre issoro.

¹⁰Et pregontados qui ant essere, su scrivano ‹de› corona leat et publiquit su c’ant avir naradu sos testimongios in presencia dessu curadore et dessos hominis qui ant essere in sa corona essendo illoi ambas partis, si essere illoi podent et bolent.

¹¹Et lesidu c’at avir su scrivanu su narri dessos testimongios, su curadore ‹over› officiali qui at reere sa corona deppiat pregontari cussa parti incontra qui ant essere clamados sos ditos testimongios, si bollet oppone o narre alcuna caussa contra sas persones issoro et contra su qui ant avir naradu et testificadu. ¹²Et si bollet oppone o narre alcuna caussa qui pargiat racionabili et justa, siat intesidu dandu·illi termen de dies VIII at [oppone et provar]i cussu [qui at boler narre et] opponere. ¹³[Et si custas causas qui at averi oppostu] provat, cuss[u] testimongio contra qui at aviri /23v/ opostu over su dittu suo non siat cretidu, ¹⁴et issu curadore qui at reere sa ditta corona peset ad juigare sos lieros dessa corona pro su dittu et testificacione dessos atteros testimongios, ¹⁵et icussu qui ant juigari sa majori parti dessos lieros façat scrivir ad su scrivano dessa corona et mandet·illu ad execucione.

¹⁶Et issos lieros et juigantis qui ant essere in sas coronas siant tenudos de juigare et de narre bene et lealimenti in consiencia dessas animas issoro sa megius ragione et justicia qui ’nde·llis a pparri, non juigando però contra a sa Carta de Logu. Et si iuigarint contra su capitulu de Carta de Logu scientimenti, non bagiat nen tengat su juigamentu issoro et siant condempnados cussos qui contra iuigarint in liras V per homini per ciascaduna bolta.

6. [cavillatione] | cavillatone A
7. ‹de› | integro secondo A // dessu curadore | dessos curadores ; dessu curadore A
8. racionabili | racconabili
9. [custas causas] | custas A // testimongio | testimongios ; testimongio A