¹Volemus et ordinamus que su homini a ch’ant chertare et clamari s’at pro fradis d’ultramari, pongiat a nnoe meses et si mostrat beridadi infra .viii. dies, si suntu in Arbaree over in corona, qui ’lloy at aviri in ultramari fradi over fradis suos qui appant parti in cussu pro qui ’llu chertant sos testimongios inter de Arbaree, et si suntu in atero loghu dessa isula de Sardigna infra dies .xv. ²Et si non mostrat cussa veridadi, respondat e si non respondet, siat binchidu. ³Et icussu istessu siat prossu homini at qui at chertari et pretender s’at pro fradis c’ant esser in terrafirma et siat postu a bactore meses a batiri·nde su fradi o fradis de terrafirma, adiunghendo qui cussu a qui ad esser chertadu deppiat respondere prossa parti sua. ⁴Et pro s’atera parte qui at allegare qui ’lloy appat parte alcuno frade suo qui siat in cussos ditos loghos o in alcuno de cussos, cussa parti istet pendenti infini at ispirari su tenpus supra ordinadu.

66.3.       pretender] perder