1Coniugai Lughia Cuperi ankilla de sanctu Serghi de Suei cun Trogodori Nechi et fekerunt kimbe fiios. 2Rebellasimi s’ankilla et fuivit cun sos fiios ka si teniat parente de iuike Mariane. 3Andainde a reclamo a Silano a iuicke et narraili: ||[c. 76v] «A vos, donnu meu, venghio a merkede pro una ankilla cun kinbe fiios suos, ka mi sunt fuitos». 4Mandait iudike pro·llos ki los obviasserunt assa fontana de Bolorki et aivi vennerunt et battuserunt ·I· carta come erat liveru su patre. 5Narrai iuike: «da ke est liveru su patre et sa mama est ankilla, fiios k’anta fattos siant serbos de sancta Maria da oe innanti et serviant a sancta Maria pro serbos». 6Testes: Manuele Pinna, Comita Theppar, Petru de Ficos, Barusone Pinna et Petru su frate, et Petru de Sogas et Dorgodori su frate, Petru de Martis, Torbine Melone et ivi erat cun iuike donnikellu Petru et donnu Ramundo su fratile. 7Et osca posit iuike Mariane a Dorgodori de Sogos et a Iorgi Pala a daremi s’ankilla con sos fiios ke erant in domo di Dorgodori de Sogos, curatore de Norghillos. Anno domini M·CC·XXVIIII.
174.1 Coniugai] è ovviamente pf. 3a sing.
174.6 Martis] martis.