1Ego Nicolaus, prior de Bonarchanto, faço recordationem pro kertu ke feki pro Maria Pisana || [c.75r] et pro ·I· fiiu suo in corona de sinodo in Aristanis, arregendo corona donnu Laurençu. 2Kertait su priore de Baulatu, donnu Francardu, narrande «kerto cun Maria Pisana ka est fiia de serbu et d’ankilla de sancta Maria de Bonarkanto». 3Torraimi verbu Bellomo, su fiiastru de Comita Manika, narrando: 4«pro custa muiere ki kertas, livera est et ankilla non est». 5Iuicarunt a mimi a battuere testimonios ka fuit fiia de serbu et d’ankilla de sancta Maria. Et ego battussi testimonios bonos: a donnu Petru de Çori de Baulata et donnu Gonnari Papis de Sant’Eru et a donnu Coantine de Ienna, curatore de factu de parte de Mili. 6Custos ·I·I·I· iurarunt ad vangeliu de Deu narrando: «Custa muiere pro ke kerta su priore nos la connoskimus ka fuit fiia de Petru Pisanu cki furunt serbus ambos de sancta Maria de Bonarkanto, et nos los conoskimus servire pro serbos a sancta Maria de Bonarckanto.» 7Parsit iustitia a totta sa corona ka avea vinkito et ka furunt testimonios. 8Donnu Laurençu ke arreiat sa corona tennit custa muiere et positimila in manus pro ankilla et issa et su fiiu 9coram testibus Arçocco Secke curatore de Cebera grussa, Guantine de Martis curadore de || [c. 75v] Campitano, su piscopu de Terralba Gonnari Savio, donnu Comita Pee curatore de Jenone, Arçocco de Martis curadore de Ortueri, Guantine Jana, Petru de Laccon, Furato Karras curadore de Arestanis, Sogillione Manca, Iovanne Sarakino, Iovanni de Casta, Comita Seckie maiore de cavallos, Gantine Mameli, Iovanni Papis, Mariane Cannavu, Argenti Zuckellu et totta sa corona como est adunata ad sinodu.
172.1 Aristanis] Aristanis.
arregendo] aregendo.
172.4 livera] liuera, con e sovrascritta nell’interlinea.
172.5 testimonios] testimonios.
172.8 arreiat] areiat.
172.7 testimonios] si sarebbe tentati di integrare bonos.
172.9 curadore de Campitano] curadore Campitano.
Martis] Martiss.
Zuckellu] Zuckelu.