¹Volemus et ordinamus que si alcuna persona ochirit homini et est·indi confesso in su iudiciu over convinto secundu que ssu ordini dessa ragoni comandat, siat·illi segada sa testa in su loghu dessa iusticia per modu qui ’ndi morgiat et pro dinari alcuno non campit, ²salvu si su dictu homini hochirit deffendendo a si, sa quali deffensa deppiat provari et mostrare legittimamente per bonos hominis infra dies .xv. dae ssa die qui l’at esser comandado per issu armentargiu nostru de Loghu over per atero officiali nostru at qui sa dicta causa esseret comissida. ³Et in casu qui provarit aver mortu su dictu homini deffendendo a ssi comente est naradu de supra non siat mortu et pena alcuna non patischat et non paghit. ⁴Et si per ventura avenerit qui plus hominis esserent in compagnia de pari et unu de cussos hochirit alcuno artero homini et issos ateros qui non esserent in culpa assa dicta morte non benerent assa corte et non si ischulparint legittimamente que issus non furunt culpabilis nen consentivilis assa morte de cussu tali homini infra tres dies, qui issos siant ponidus et condempnadus a morte comente et issu qui avirit mortu su dictu homini pro qui nara‹n›t sas leges «agentes et consentientes pari pena puniuntur». ⁵Et in casu qui alcuno homini hochirit alcuno attero homini inprovisamente et non cum animu deliberadu et non pensadamente ma pro causa fortunabili secundu qui solint avenne multos desastros, volemus qui in tali casu istet et istari depiat at arbitriu et correctione nostra.

3.1.         comandat] comendat
3.2.         deffensa] deffenssa
3.4.         pro qui nara‹n›t sas leges] pro qui narat sas leges