¹Constituimus, pro qui Deus omnipotenti si debet subra totas causas honorare, timire et guardare et hobedire, et apressu sa gloriosa Virgini Madonna sancta Maria et issos apostolos et sanctus et sanctas de Deus, ordinamus qui caluncha persona de caluncha conditione siat c’at blastimare a Deu over a sancta Maria et l’at esser provadu siat condennadu in libras .l., sos cales deppiat pagare infra dies .xv. poscha c’at esser condennadu. ²Et si non pagat infra su dictu tempus, mittat·si·lli uno ammu in sa limba et siat·illi tagiada pro modo qui ’lla perdat. ³Et si blastimarit alcuno sancto o sancta, siat condennado in libras .xxv., sas quales depiat pagare infra dies .xv. poscha qui at essere condennado. ⁴Et si non paghat infra su dictu tempus, mittat·si·lli unu ammu in sa limba /28r/ et cum issu siat afrustadu per totu sa terra hui ad aviri delinquido o factu su delittu et non appat atera pena.

128.1.    timire] tenire