¹Item ordinamus qui caluncha persona c’at aviri vigna o terra boida in castigu siat tenudo de contrubuhire et paghare pro rata, secundu qui ’‹n›de ’lli at tochari sa parti dessa cungiadura qui a‹n›t fagheri cussos qui ’ll’ant esser dae ladus de foras, ant aviri clasura et faghere fossu qui ’lloy at esser necessariu. ²Et si alcuno de cussos qui ant aviri alcuna de sas ditas vignas o terra boida et non ant boler paghare over at esser inposenti de paghare sa parti de su ispendiu qui s’at fagheri et ill’at torrari de su fructu qui s’at aviri dae ssas vignas qui at esser subra se, si paghit su dictu ispendiu. ³Et si bastanti non esseret assu dictu ispendiu, su pubillu dessa dicta vigna siat tenudo de bender·illa infra uno mese. ⁴De su preciu qui ’ndi at aviri, si ’ndi satisfassat cussa parti. ⁵Et icussu qui ’ll’at comporare siat tenudo a ffagheri et paghare su ispendiu qui ssa dicta vigna pro sa dicta cungiadura l’at tochare. ⁶Et similimente siat tenudo et deppiat bender cussu pubillu c’at aviri sa dicta terra boida in castigu. ⁷Et si comporadore non avirit et acaptare non si ’ndi poderet dessa dita vigna, over terra boida, dividat·si et partat inter icussos qui ant aviri vignas in ssu suprascriptu castiu et a confinare et esser plus apressu dessa dicta vigna, over terra boida. ⁸Et icussos qui sa dita /31v/ vigna over terra ant aviri siant tenudos de paghare sa parti dessu dictu ispendiu qui at tochari a sa dita vigna, over terra boida, qui at esser divisa et partida, secundu qu’est narradu de subra. ⁹Si veramente qui cussos qui ’ll’ant comporare over at qui benne in parte sa dicta terra boida siant tenudus de ponne et plantare a vigna sa dita terra infra uno anno. ¹⁰Et si non la ponet et plantat infra su dictu tempus, siat sa dicta terra dessa corte. ¹¹Et niente de minus fassat et paghit su ispendiu qui assa dicta terra ad tochare in sa predita cungiadura. ¹²Et icussu qui ad aviri vigna in castigu over a ladus de alcuno atero over ortos qui siat dae ladus de foras, qui non at esser bene congiadu, depiat·si·lli comandare per issu officiali et issu iurado dessa dita villa hui at esser qui infra dies octo lu deppiat aviri congiadu. ¹³Et si non lu cungiant dae ladus suo, intraret bestiamen et faghit damnu in vignas over ortos dessos viginos, paghint assa corte nostra soldos .xx., emendet e satisfassat su damnu qui cussu vigino at aviri factu et recivido et appido, et issos dictos maiores et iuradus lu deppiant fagheri cungiare ad ispendiu de cussu de qui at essere sa vigna, over orto, dando assos servidores qui loy ant serviri approbia, plus qui per issos ateros dessa villa s’at dare et paghare dinaris duos sa die per ciaschuno, pro qui plus apre‹s›se sa causa si possat ispaciare. ¹⁴Et si non l’at boler paghare, pignorint·illi de cussu qui at montare su ispendiu predictu et satisfassat sos servidores. ¹⁵Et si non at aviri atero de poder·illi pignorare, prossa dicta vigna over orto, satisfassat dae ssu fructu dessa dicta vigna over orto, su quali fructu possant sos dictos maiores et iuradus bender a tempus assu megius qui at poder, et paghit sos dictos servidores.

140.1.    qui ’‹n›de ’lli at] qui delli at
140.1.    qui a‹n›t fagheri] qui at fagheri
140.2.    fructu] factu
140.7.    suprascriptu] secundu
140.9.    sa dicta terra boida] fa dicta terra boida
140.12. congiadu] congiadn
140.12. iurado] inrado
140.13. cussu vigino] cnssu vigino
140.13.  apre‹s›se] aprese
140.15.  poder·illi pignorare] poder illu pignorare