¹Volemus et ordinamus qui totu sos asones, vachargios, boinargios et pastores de qualuncha bestiamini siat deppiant guardare su bestiamen qui ant aviri in guardia pro si factu modu qui non fassant damnu in vignas, ortos over lavores. ²Et si fagherit damnu, sos pobillos de su bestiamini deppiant paghare su damnu qui su dictu bestiamen at aviri factu, secundu qui de supra est narado in sos ateros capidulos. ³Veramente si intendat que su pubillu de su bestiamini possat avere et appat regressu contro su pastore, lieru qui siat o servo, qui cum paraula de su donnu suo siat allogadu de su damnu qui su dictu bestiamini at aviri factu et qui at aviri pagadu over qui ’lli convegnat paghare et de su bestiamen qui ’lli at esser mortu over levadu, su quali pastore siat tenudo de paghare et paghit su dictu bestiamini et damnu. ⁴Et si non avirit dae unde poderet pagare, su officiali siat tenudo de tenere·llu et mandare a prexione su secundo pastore at peticione de su pubillu de su ditu bestiamini. ⁵Et istit in prexione infini at qui at aviri satisfactu su damnu qui ad aviri recivido de su dictu bestiamen de cussu qui ’lli at esser convintu over li convegnat pagare. ⁶Et gosi si intendat de su servu qui at esser allogadu cum paraula de su donnu suo comente et de su liberu, si su donnu de su servu non at boler paghare su damnu qui at aviri recivido su pubillu de su bestiamen. ⁷Et si aveneret qui alcuno de sos ditos pastores over guardianus de bestiamini si partirit over fuhirint dae ssu serviciu per damnu qui avirint fatu su /43r/ bestiamini qui ’lli at esser acomandadu over per alcuna atera causa, inantes de su tempus de sa allogatione et promissione qui at aviri fattu esseret complidu, bolemus et comandamus qui, per tenore de su presente capitulo, qui in caluncha logu s’at poder acatare over conseghere intro dessas terras nostras qui ’llu deppiant tenne et mandare·llu a prexione cussu qui ’ll’at aviri condutu over allogadu over procuradore over homini suo.

197.3.    qui su dictu bestiamini at aviri factu et qui at aviri pagadu] qui su dictu bestiamini at aviri factu et qui at aviri fatu et qui at aviri pagadu
197.7.    cussu qui ’ll’at aviri condutu] de cussu qui ’ll’at aviri condutu