¹Constituimus et ordinamus qui cussos qui ant aver porchos de gamma qui ’llos deppiant tenne et reher donnia tempus foras de pardo de hierro et de mindas. ²Et icussos qui ’lloy ant esser acatados, siant maxellados per dogna bolta de porcus dus per gamma, so quale maxello siat et deppiat esser de cusso qui ’ll’at lansare, si morret in su loghu vedado, exceptu ad tempus de spica. ³Et intendat·si qui siat su principiu de su dictu tempus de spica, dae ssa prima die de treulas. ⁴Et dae cussa die inantis si possat tenne in qualuncha loghu illos ad a plachere in sos Campidanos foras de pardo de hierru et d’ariolas. ⁵Et comandamus qui in terra over in istulas non si possat mittiri infini in tanto qui ssu lavore at esser totu et indi at esser carrithado et portado ad sa ariola. ⁶Et si ’lloy intrant, siant maxellados per dognia gamma et pro ciascuna bolta qui ’lloy ant esser acatados, so quale maxello deppiant paghare sos pastores de sos dictos porchos. ⁷Et nienti de minus paghit su damno qui ant aviri facto a su pubillu de su lavore et qui ssos dittos porchos ant aviri sutigado in sa ditta terra et ant illoy esser vissidos per issu pubillu de su lavore over homini o iuargio suo over per alcunos de sos ditos iurados, sia cretidu su accusadore a sargamentu suo et issu pastore siat tenudo de dare isso maxello de porchos duos per bolta, comente illoy at esser sutigado, at su qui ’ll’at aver bissido et accusado. ⁸Et a ciò su officiale de sa villa illos deppiat constringer ad pena de soldos .c. a sa camera nostra, exceptu in sos Campidanos, qui est logu istrittu, dae ssos quales logos se depiant segare et isvedare dae ssa prima die de sancto Guayniu.

154.1.    qui ant aver] qni ant aver
154.2.    Et icussos] Et dicussos
154.7.    sutigado] sucitado