Fol. 99r
Carm. I
In Sextilianum potorem
Dixerat astrologus undas tibi fata minari
sidera discutiens, Sextiliane, tua.
Inde tibi nullam votum est conscendere navim
nec remo nec te cymba rudente vehit.
Littora devitas, torrentes, stagna, paludes 5
cumque suis lacubus flumina quaeque caves,
denique ne‹c› potum fatali polluis unda,
† tanta tibi est vitae sollicitudo tuae;
sollicitus vitae Sextilianae tuae †
ne possint usquam fata nocere tibi. 10